Böyük səhra olmasaydı, Amazon meşəsi də olmazdı!

Dünyanın ən quru yeri olmasaydı, dünyanın ən yaşıl yeri də olmazdı. Çox qəribədir, amma realdır. Söhbət Sahara və Amazondan gedir.

Hər il milyonlarla ton səhra qumu küləklər vasitəsilə Afrikadan Atlantik okeanını keçərək Amazona daşınır. Həmin qumlar Amazon meşəsi üçün həyati əhəmiyyət daşıyan fosforla zəngindir. Amazonda tez-tez yağan yağışlar torpaqdakı mineralları yuyub aparır. Minlərlə kilometr yol gələn Sahara qumu köməyə çatır və itirilən fosforu bərpa edir.

Təbiət möhtəşəm işləyir. Dünyanın ən quru yeri dünyanın ən nəmli yerini qidalandırır. Möhtəşəmdir!