Sanki başqa planetmiş kimi görünən yerlər

Yaşadığımız dünyanın üzərində elə yerlər var ki, insan orada özünü tamam başqa bir planetdə hiss edir. Gəlin, həmin yerləri birlikdə səyahət edək.

• Böyük Prizmatik bulaq, Vayominq ştatı. Qaynar suyun və xüsusi bakteriyaların yaratdığı bu rəngarəng nəhəng göy qurşağı hovuzu.

  

• Lensoys-Maranyensis, Braziliya. Ucsuz-bucaqsız bəyaz qum təpələrinin arasına səpələnmiş yüzlərlə mavi gölməçə sanki başqa bir planetin cənnətidir.

  

• Biolüminessent dalğalar, Fars körfəzi, Ərəb dənizi. Suda yaşayan mikroskopik canlılar ən kiçik bir toxunuşda gecə dənizini parlayan ulduzlu, neon-mavi bir sənət əsərinə çevirir.

  

• Vatnajökull buzlağı, İslandiya. Sonsuz mavi səthi və büllur kimi parlayan mağaraları ilə bura sanki donmuş bir planetdir.

  

• İcen vulkanı, İndoneziya. Bu vulkan kükürd qazlarının yanması nəticəsində gecələr qaranlığı yaran möhtəşəm neon-mavi alovlar püskürür.

  

• Vadi-Rum, İyordaniya. Dəmir oksidi ilə qızaran bu qum təpələrində gəzərkən, özünüzü lap Marsın səthində addımlayırmış kimi hiss edəcəksiniz.

  

• Uyuni şoranlığı, Boliviya. Yağışdan sonra nəhəng bir güzgüyə çevrilən bu duz səhrasında səma ilə yerin sərhədi itir. Siz sanki buludların üzərində gəzirsiniz.

  

• Bazalt sütunlar, Kəlbəcər. Milyonlarla il əvvəl lavadan formalaşan bu mükəmməl həndəsi sütunlar təbiətin sirli memarlıq əsəridir.

  

• Göy qurşağı dağı, Peru. 5 min metr hündürlükdə yerləşən bu dağlar sanki təbiətin öz palitrasında qarışdırdığı boyalarla rənglənib.

  

• Pamukkale, Türkiyə. Ağappaq travertin terasları və buxarlanan isti suları ilə bu məkan - buludların göydən yerə endiyi yerdir.

  

• Çjanszyatsze meşəsi, Çin.Buludları dəlib keçən və hündürlüyü min metrə çatan bu qaya sütunları əsl "Avatar" filmindəki Pandora planetinin özüdür.

  

• Çəhrayı göllər. Dünyanın müxtəlif ölkələrind, eləcə də Azərbaycanda rast gəlinən çəhrayı göllər, qeyri-adi rəngini tərkibindəki yosunlar və bakteriyalardan alır.